Cantate Domino

        Church Music

 

 

 

 

 

Sheet Music Downloads plus Audio Files

Home Choral Hymns Organ Carols

Stabat Mater

Composer

Giovanni Battista Pergolesi

Arranger

Serge Ollive

SATB Choir, Piano

Text

Stabat mater dolorosa
juxta Crucem lacrimosa,
dum pendebat Filius.


Cuius animam gementem,
contristatam et dolentem
pertransivit gladius.


O quam tristis et afflicta
fuit illa benedicta,
mater Unigeniti!


Quae moerebat et dolebat,
pia Mater, dum videbat
nati poenas inclyti.


Quis est homo qui non fleret,
matrem Christi si videret
in tanto supplicio?


Quis non posset contristari
Christi Matrem contemplari
dolentem cum Filio?


Pro peccatis suae gentis
vidit Iesum in tormentis,
et flagellis subditum.


Vidit suum dulcem Natum
moriendo desolatum,
dum emisit spiritum.


Eia, Mater, fons amoris
me sentire vim doloris
fac, ut tecum lugeam.


Fac, ut ardeat cor meum
in amando Christum Deum
ut sibi complaceam.


 

 
Sancta Mater, istud agas,
crucifixi fige plagas
cordi meo valide.


Tui Nati vulnerati,
tam dignati pro me pati,
poenas mecum divide.


Fac me tecum pie flere,
crucifixo condolere,
donec ego vixero.


Juxta Crucem tecum stare,
et me tibi sociare
in planctu desidero.


Virgo virginum praeclara,
mihi iam non sis amara,
fac me tecum plangere.


Fac, ut portem Christi mortem,
passionis fac consortem,
et plagas recolere.


Fac me plagis vulnerari,
fac me Cruce inebriari,
et cruore Filii.


Flammis ne urar succensus,
per te, Virgo, sim defensus
in die iudicii.


Christe, cum sit hinc exire,
da per Matrem me venire
ad palmam victoriae.


Quando corpus morietur,
fac, ut animae donetur
paradisi gloria. Amen.

 

Download

PERGOLESI - Stabat Mater(Conducteur)

Created 17-Sep-09 Revised 06-Jul-13

Les Talens Lyriques

Serge Ollive's works are protected by the Author Right. (ARRANGEMENTS INCLUDED).
In the event of concert performances, recordings, radio, TV, or internet broadcasting, the Author Right Society of your country must be informed.
(You must declare composition/arrangement, as follows: COMPOSER'S NAME / ARRANGER'S NAME : TITLE).

"For more information, send email to Contact Serge Ollive Here" or Visit the Serge Ollive Web Site Here

 


Previous Next
Sanctus - Franz Schubert Subdue us by thy goodness (Transform us by thy kindness) - Johann Sebastian Bach